Wednesday, May 16, 2012

പുനര്‍വായന
..............

ധാരണകള്‍ തിരുത്തിവായിക്കുന്നത്
എത്ര വേഗത്തിലാണ്?
നിറഞ്ഞ സത്യത്തില്‍ നിന്നും
ഒഴിഞ്ഞ മിഥ്യയിലേക്ക്
എത്തിച്ചേരുവാന്‍ നീയെടുത്ത സമയം
ഒരു നിമിഷം മാത്രമല്ലേ?
ജ്വലിച്ചു നില്‍ക്കും പ്രകാശത്തെയിരുളാക്കാന്‍
നിനക്കുമെനിക്കും വേണ്ടത്
ഒരു കണ്‍ചിമ്മല്‍ മാത്രം..
ഉള്ളില്‍ തുടിക്കും സ്നേഹവാല്സല്യത്തെ
നിര്‍ജീവമാക്കുവാന്‍ നേരമേറെ വേണ്ടെന്നും
മനസ്സിലാക്കുവാന്‍ എന്തിത്ര വൈകി ഞാന്‍ ??
തിരിച്ചറിവിലെന്‍ കണ്ണുകള്‍ തുറക്കുമ്പോള്‍
കാണുന്നു ഞാന്‍ മറവി തന്‍ നേര്‍ത്ത
തിരശീലക്കുള്ളിലൊളിപ്പിക്കുവാന്‍ വെമ്പും
നിന്‍ മങ്ങിയ മുഖം മാത്രം!!

No comments:

Post a Comment