പ്രിയ തോഴന്‍
=============
എന്‍ സ്നേഹഗാഥയ്ക്കീണം പകര്‍ന്നിടാന്‍
എത്തിയോരെന്‍പ്രിയ കൂട്ടുകാരാ
ജീവിതമാം എന്‍ പാഴ്മുളം തണ്ടില്‍ നീ
ചുംബിചുണര്‍ത്തിയതേതു രാഗം??
ഉരുകിയൊലിക്കുന്ന വേനലില്‍ നീയെനി-
ക്കേകിയോരായിരം കുളിര്‍മഴകള്‍
നിദ്രാവിഹീനമാം രാത്രിതന്‍ യാമത്തി-
ലരികെയെത്തി മൃദുമന്ത്രണമായ്‌....
ഗുണിച്ചും ഹരിച്ചും കൂട്ടിയും കുറച്ചും
ഗണിച്ചെടുത്തീടുമ്പോള്‍ ബാക്കിയായ് വന്നിടാന്‍
ജീവിത താളില്‍ തോഴരേറെയുണ്ടെന്നാലും
ഹൃദയത്തിനോപ്പം ചേര്‍ത്തുപിടിച്ചിടാന്‍ ,
എന്‍ പ്രിയ തോഴനെന്നടിക്കുറിപ്പെഴുതിടാന്‍
നിന്‍ മുഖം മാത്രമേ കാണ്മതുള്ളൂ...
എത്രയോ കാതം അകലെയാണെങ്കിലും
സ്നേഹബന്ധത്താല്‍ നാം അരികിലല്ലേ??
എകാന്തമാമെന്‍ തപോവനസ്ഥലികളില്‍
കാലിടറിവീഴാതെ മുന്നോട്ടു പോയിടാന്‍
കരം പിടിച്ചെന്നും നീ കൂട്ടിനുണ്ടെങ്കില്‍
ഇനിയെത്ര ദൂരവും നടന്നിടാം ഞാന്‍ ...
നല്ല വരികള്‍. ഈ സ്നേഹാക്ഷരങ്ങള്‍ക്ക് ആശംസകള്‍.
ReplyDeleteഗുണിച്ചും ഹരിച്ചും കൂട്ടിയും കുറച്ചും
ReplyDeleteഗണിച്ചെടുത്തീടുമ്പോള്‍ ബാക്കിയായ് വന്നിടാന്‍
ജീവിത താളില്‍ തോഴരേറെയുണ്ടെന്നാലും....
നന്നായിട്ടുണ്ട്, ആശംസകള്‍.
മുബി, വായനക്ക് നന്ദി.. പ്രോത്സാഹനങ്ങളും വിമര്‍ശനങ്ങലുമാണ് എന്റെ ശക്തി..
Deleteനല്ല വരികള്‍
ReplyDeleteഈ ബ്ലോഗിനെ കുറിച്ച് ഇരിപ്പിടം പറയുന്നത്
ReplyDelete