കിനാവ്‌
=============
കിന്നാവുകള്‍ തന്‍ ഭാരവും ശിരസ്സിലേറ്റി
അന്ന് ഞാനാദ്യമായ്‌ തെരുവിലിറങ്ങി
ഇന്നലെകളിലെ പാതിമയക്കങ്ങളില്‍
സുഖലോലുപതയുടെ ഉച്ചമയക്കങ്ങളില്‍
നേരവും കാലവും നോക്കാതെ
നന്മ നിറഞ്ഞ പുഞ്ചിരിയുമായി
മനസ്സിന്നഗാധതയില്‍ മോഹങ്ങളാല്‍
ദന്തഗോപുരങ്ങള്‍ തീര്‍ത്ത കിനാവുകള്‍ ......
ഒക്കെയും സ്വരുക്കൂട്ടി; കാലചക്രത്തിന്‍
കറക്കങ്ങളില്‍ അവ പഴകുന്നതറിയാതെ..
സഫലമാകില്ലെന്ന തിരിച്ചറിവില്‍
ഞാനിറങ്ങിത്തിരിചെന്റെ കിനാവുകള്‍ വില്‍ക്കുവാന്‍ ...
ഒന്നും നടന്നില്ല, ഇന്നിതാ ജീവിത-
പ്പെരുവഴിയില്‍ ഞാന്‍ കിനാക്കള്‍ തന്‍ ഭാരവുമേന്തി-
യേകനായിങ്ങനെ.....
മടക്കയാത്രക്കൊരുങ്ങുന്നു ഞാനെന്റെ ജീവനില്‍
കിനാക്കളാല്‍ ഗോപുരം തീര്‍ക്കട്ടെ...
അവിടെയെന്‍ ഏകാന്ത യാമങ്ങളില്‍
വീണ്ടും വന്നണയട്ടെ നൂറായിരം കിനാവുകള്‍ !!!
അവിടെയെന്‍ ഏകാന്ത യാമങ്ങളില്‍
ReplyDeleteവീണ്ടും വന്നണയട്ടെ നൂറായിരം കിനാവുകള്‍ !!!