ഗുരുവന്ദനം!!
====================
പേമാരിയായിരുന്നു
വിണ്ണില്‍ നിന്നുമെന്‍ കണ്ണില്‍ നിന്നും..
പുത്തനുടുപ്പും പുസ്തക സഞ്ചിയും
പുതുജീവിതത്തിന് കൂട്ടായി വന്നെങ്കിലും
ആശങ്കയായിരുന്നു മനം നിറയെ....
അമ്മതന്‍ കൈയില്‍ നിന്നേറ്റുവാങ്ങുമ്പോള്‍
നിന്‍ ചുണ്ടില്‍ വിരിഞ്ഞ പുഞ്ചിരിപ്പൂക്കളെ
മറച്ചുകളഞ്ഞത് പേമാരിയോ
അതോ കണ്ണീര്‍ മഴയോ??
ഓരോ ദിവസവും പുത്തന്‍ പാഠങ്ങള്‍ !
ഓരോ പതര്‍ച്ചയിലും നിന്‍ ആശ്വാസവാക്കുകള്‍ !!
വിജയങ്ങളില്‍ അഭിനന്ദനങ്ങള്‍ !!
ഞാന്‍ വളരുകയായിരുന്നു
അല്ല, നീ വളര്‍ത്തുകയായിരുന്നു...
ജീവിതത്തിന്‍ പാതി വഴിയാത്രയില്‍
ഞാന്‍ തിരിച്ചറിയുന്നു -
എന്റെ വിജയങ്ങള്‍ നിന്റെതെന്നു..
എന്റെ ജീവിതം നിന്‍ ത്യാഗമെന്നു...
കാലമെത്ര കഴിഞ്ഞാലും മായില്ല
നീ എനിക്കേകിയ പാഠങ്ങളും
സ്നേഹവചനങ്ങളും....
(എന്നെ ഞാനാക്കിയ എന്റെ നല്ലവരായ എല്ലാ ഗുരുനാഥന്‍മാര്‍ക്കും സ്നേഹം നിറഞ്ഞ അധ്യാപക ദിനാശംസകള്‍ !!!)
No comments:
Post a Comment