കുരുക്ഷേത്രം
=============
ഇവിടമൊരു കുരുക്ഷേത്രം
അധികാരത്തിന്റെ രഥവേഗങ്ങളില്‍
കുതിച്ചുപായും പ്രഭുകുമാരന്മാരുടെ അട്ടഹാസങ്ങളും
നിരാശ്രയത്വത്തിന്റെ പകല്‍ വെയിലുകളില്‍
ചുട്ടുപൊള്ളും പാവം മനുഷ്യന്റെ ആര്‍ത്തനാദങ്ങളും
മുഴങ്ങുന്ന ഘോരമാം കുരുക്ഷേത്രം!!
അധികാരക്കൊതിയാല്‍ സ്വന്തം കാതുകള്‍ പൊട്ടിയൊഴുകുന്നതും
പണഭ്രമത്താല്‍ കണ്ണുകള്‍ക്ക്‌ തിമിരം ബാധിക്കുന്നതും
തിരിച്ചറിയാനാവാതെ സ്വയം ചക്രവ്യൂഹം തീര്‍ക്കുന്നവരുടെ ലോകം!
നഷ്ടവസന്തങ്ങളില്‍ നെടുവീര്‍പ്പിടുന്ന
പഥികന്റെ ദുരിത കുടീരം!!
ഇവിടെ ഓരോ ദിനവും ഇരുണ്ടു വെളുക്കുന്നത്
പുതിയ സത്യങ്ങളിലേക്ക്..
ഇവിടെ ഓരോ ഇരവിലും നിലാവുദിക്കുന്നത്
പുതിയ കാഴ്ചകളിലേക്ക്..
പുതു സത്യങ്ങളിലും കാഴ്ചകളിലും
മനസ്സുടക്കി വിളറി നില്‍ക്കുമ്പോള്‍
തിരിച്ചറിവിന്റെ പാഠഭേദങ്ങളില്‍
തകര്‍ന്നു വീഴുന്നെന്റെ സ്വപ്ന സാമ്രാജ്യം!!
No comments:
Post a Comment